Botë

Një video si kundërpërgjigje për sulmet e tmerrshme të Putinit: Shpirti ukrainas nuk thyhet

Ministria e Mbrojtjes e Ukrainës ka publikuar një video, përmes të cilës dëshiron të tregojë se shpirti u ukrainasve është i pathyeshëm, pavarësisht sulmeve ruse.

Në video shfaqen qindra ukrainas që janë strehuar në një stacion metroje në Kiev nga sulmet ruse, teksa këndojnë.

Të hënën, Rusia ndërmori një sërë sulmesh në qytete të ndryshme, si hakmarrje për sulmin mbi urën që lidh Krimenë me Rusinë, ditë më parë.

“Shpirti i Ukrainës është i pathyeshëm. Banorët e Kievit këndojnë në një stacion metroje gjatë një alarmi për sulm ajror”, ka shkruar Ministria e Mbrojtjes e Ukrainës në Twitter, të hënën.