Botë

10 të vdekur nga protestat anti-OKB në DR Kongo

Të paktën dhjetë persona kanë vdekur gjatë protestave kundër një force paqeruajtëse të Kombeve të Bashkuara në Goma në Republikën Demokratike të Kongos, ka thënë policia të martën, shkruan BBC.

Shtatë nga të vdekurit ishin civilë, ndërsa të tjerët ishin personel i OKB-së.

Mediat lokale raportuan se protestuesit u qëlluan nga paqeruajtësit. Por misioni i OKB-së, Monusco, nuk i është përgjigjur këtyre raporteve.

Kohët e fundit ka pasur një rritje të dhunës në zonë dhe vendasit akuzojnë OKB-në si joefektive.

Siguria e DR Kongos mbetet e paqëndrueshme me më shumë se 100 grupe rebele aktive.

Kjo ishte dita e dytë e protestave me njerëzit që bënin thirrje që OKB-ja të tërhiqte paqeruajtësit e saj nga zona.

Të hënën, protestat, të thirrura nga krahu rinor i qeverisë, u bënë të dhunshme kur protestuesit sulmuan dhe plaçkitën selinë lokale të misionit të OKB-së dhe një bazë logjistike.

Më pas të martën protestat u intensifikuan.