Botë

Putini urdhëron ushtrinë të vazhdojë edhe më tej ofensivën në Ukrainë

Presidenti rus, Vladimir Putin, ka urdhëruar ministrin e tij të Mbrojtjes të vazhdojë ofensivën në Ukrainë, pasi Rusia pushtoi qytetin e Lysychanskut.

Putini u shfaq në televizionin rus duke u bërë thirrje forcave në frontet tjera për të ndjekur qëllimet e tyre sipas “planeve të miratuara më parë”.

Tani i gjithë rajoni i Luhanskut është në duart e Rusisë, shkruan BBC-ja të martën.

“Ushtarët tani janë zhvendosur në pozicione të reja të fortifikuara”, tha kryetari i këtij rajoni, Serhiy Haidai për BBC-në. “Humbja e qytetit dhe dhënia e kontrollit të Luhanskut Rusisë ishte e dhimbshme. Kjo është vetëm një betejë që kemi humbur, por nuk e kemi humbur luftën”.

Ai kërkoi më shumë armë nga Perëndimi për të kompensuar avantazhin rus.