Autoritetet ukrainase kanë raportuar se së paku 14 civilë janë vrarë dhe 15 janë lënduar në sulmet ruse të martën në rajonet e Luhanskut dhe Donetskut, raporton BBC.

Në lindje të Ukrainës po zhvillohen luftëra të ashpra.

Në postim në Facebook, ushtria e Ukrainës ka njoftuar se trupat ruse kanë përdorur aeroplanë, lansues të raketave, artileri, tanke dhe raketa, në sulmet e fundit në këto pjesë.

Pjesët më të mëdha të Donetskut dhe Luhanskut janë të kontrolluara nga separatistët rusë, që duan t’i shkëpusin këto territore nga Ukraina.