Forcat e Armatosura të Bjellorusisë do të vendosin forca speciale në kufirin e Ukrainës, raportoi të martën CNN-i.
Shefi i Shtabit të Përgjithshëm të Forcave të Armatosura të Bjellorusisë, Viktor Gulevich, ka thënë se kjo lëvizje do të ndodhë pasi “Shtetet e Bashkuara dhe aleatët e tyre vazhdojnë të rrisin praninë e tyre ushtarake në kufijtë shtetërorë”.
“Për të garantuar sigurinë e Republikës së Bjellorusisë në drejtimin jugor, forcat e njësive të forcave të operacioneve speciale janë dislokuar në tre drejtime taktike”, thuhet në një deklaratën e lëshuar bga Gulevich.
Ai njoftoi se ukrainasit kanë krijuar një forcë prej 20,000 vetësh pranë kufirit me Bjellorusinë, e cila "kërkon një përgjigje nga ne".
"Shfaqja në ujërat e Detit Mesdhe dhe Baltik të një grupi që mbante raketa lundrimi me bazë deti dhe ajrore, një rritje në grupin e aviacionit në vendet e Polonisë dhe shtetet baltike tregojnë një kërcënim në rritje për Republikën e Bjellorusisë", thuhet në deklaratë.
Më herët gjatë së martës, ministri bjellorus i Mbrojtjes Viktor Khrenin tha se vendi ka filluar fazën e dytë të inspektimit të forcave të reagimit të ushtrisë së tij.
-
10 maj 2022 20:42
-
Shpërndaje në: