Botë

Von der Leyen do të diskutojë sanksionet ndaj Rusisë me Orbanin në Hungari

Shefja e Komisionit Evropian, Ursula von der Leyen do të udhëtojë në Hungari për t’u takuar me kryeministrin Viktor Orban.

Palët do të diskutojnë për çështjen e energjisë, ka thënë një zëdhënës i KE-së, shkruan Sky News.

Hungaria është në mesin e shteteve anëtare të BE-së që kundërshtojnë propozimet për një raund të gjashtë të sanksioneve ndaj Rusisë, në përgjigje të luftës në Ukrainë.

Raundi i fundit ka propozuar heqjen graduale të përdorimit të naftës së përpunuar ruse në të gjithë BE-në brenda gjashtë muajve, megjithëse Hungarisë do t’i jepet afat deri në fund të vitit 2023 për ta ndaluar përdorimin.