Botë

SHBA-ja i dhuron Ukrainës armatim në vlerë 800 milionë dollarë

SHBA-ja i dhuron Ukrainës armatim në vlerë 800 milionë dollarë

Presidenti amerikan, Joe Biden, ka aprovuar një paketë të re të ndihmës me municione për Ukrainën, në vlerë prej 800 milionë dollarësh, raportoi BBC-ja të mërkurën.

Njoftimi për këtë ndihmë vjen vetëm pak orë pasi Bideni zhvilloi një bisedë telefonike me presidentin ukrainas, Volodymyr Zelensky.

Lista e ndihmës, të cilën ukrainasit e kanë kërkuar prej kohësh, do të përfshijë një ri-furnizim të armëve tashmë të dhëna për ukrainasit dhe sisteme të reja armësh, të përshtatura për sulmin e ri rus që pritet në lindje të vendit në ditët në vijim.

Ndihma do të përfshijë po ashtu 200 transportues të blinduar, sisteme të avancuara artilerie, dronë dhe ndoshta më e rëndësishmja helikopterë, duke mbushur boshllëqet kryesore në armatimin e Ukrainës.