Finlanda dhe Suedia së shpejti mund t'i bashkohen NATO-s, lëvizje që ka të ngjarë ta zemërojnë Moskën.

Zyrtarë të NATO-s kanë thënë për CNN të shtunën se kjo lëvizje do të nënvizonte më tej gabimin strategjik të Rusisë në pushtimin e Ukrainës.

Sipas tyre, diskutimet për anëtarësimin e Suedisë dhe Finlandës në bllok janë bërë jashtëzakonisht serioze që nga pushtimi i Rusisë, dhe zyrtarë të lartë të Departamentit të Shtetit të SHBA-së kanë thënë se çështja u diskutua në takimin e jashtëm të NATO-s të kësaj jave, ku morën pjesë ministrat e jashtëm nga Stokholmi dhe Helsinki.

Zyrtarët thanë se diskutimet nënvizojnë shkallën në të cilën pushtimi i Vladimir Putinit ka shërbyer vetëm për rigjallërimin dhe unifikimin e aleancës së NATO-s, që është e kundërta e qëllimeve të deklaruara të Putinit përpara fillimit të luftës.

Presidenti rus kishte kërkuar që NATO të ndalonte zgjerimin në lindje dhe pranimin e anëtarëve të rinj, duke akuzuar bllokun për kërcënimin e sigurisë ruse.

Në vend të kësaj, NATO ka rritur mbështetjen e saj për Ukrainën dhe po përgatitet të mirëpresë anëtarët e rinj.