Gjykata e Lartë e SHBA-së do të ketë tani e tutje një gjyqtare afro-amerikane, për herë të parë në historinë e saj 233-vjeçare, pasi Senati konfirmoi të enjten gjyqtaren Ketanji Brown Jackson në panelin prej nëntë anëtarëve.
Emërimi i saj u bë me një votim 53 pro dhe 47 kundër, raportoi BBC-ja të enjten.
Emërimi i gjyqtares Jackson përmbush premtimin e fushatës së presidentit Joe Biden për të vendosur një afro-amerikane në krye të gjykatës.
Chuck Schumer, udhëheqësi i mazhorancës, e quajti këtë një "ditë të gëzueshme" për SHBA-në.
Votimi u mbikëqyr nga zëvendëspresidentja amerikane, Kamala Harris, afro-amerikania e parë që mban postin e lartë.
Jackson 51 vjeçe, do të zëvendësojë Stephen Breyerin, një gjyqtar tjetër liberal.
Judge Jackson’s confirmation was a historic moment for our nation. We’ve taken another step toward making our highest court reflect the diversity of America. She will be an incredible Justice, and I was honored to share this moment with her. pic.twitter.com/K8SAh25NL5
— President Biden (@POTUS) April 7, 2022
-
7 prill 2022 21:57
-
Shpërndaje në: