Forcat ruse kanë konfiskuar të enjten 14 tonë ndihma humanitare nga autobusët që niseshin për në Melitopol në Ukrainën jugore, sipas Iryna Vereshchuk, ministre ukrainase për Riintegrimin e territoreve të pushtuara përkohësisht, raporton CNN.
Vereshchuk ka thënë se ushqimi dhe ilaçet ishin ngarkuar në 12 autobusë.
"Ky është çmimi për korridoret e rënë dakord dhe për garancitë e Kryqit të Kuq se korridoret do të sigurohen dhe do të funksionojnë”, ka thënë Vereshchuk.
“Ne po negociojmë që autobusët të kthehen dhe banorët e Melitopolit nesër të evakuohen duke përdorur këta autobusë”, ka shtuar ajo.
Vereshchuk ka bërë të ditur se 1.458 njerëz arritën në Zaporizhzhia me makinat e tyre të enjten, me 631 prej tyre që ikën nga qyteti i rrethuar i Mariupolit dhe 827 vijnë nga Berdiansk, Enerhodar, Melitopol, Polohy, Huliapole dhe Vasylivka në rajonin e Zaporizhia.
Forcat ruse gjithashtu bllokuan 45 autobusë që shkonin në Berdiansk të enjten në rrugë për në Mariupol, shtoi ajo.
Rusia do të rihapë korridorin e evakuimit nga Mariupol në Zaporizhzhia të premten me kërkesë të liderëve francezë dhe gjermanë, ka bërë të ditur të enjten Ministria ruse e Mbrojtjes.
-
1 prill 2022 10:17
-
Shpërndaje në: