Operatorët e forcave speciale kanadeze janë vendosur në Ukrainë në mes të tensioneve në rritje midis aleancës ushtarake të NATO-s dhe Rusisë, raporton Global News.

Dislokimi i një kontingjenti të vogël nga Regjimenti kanadez i operacioneve speciale, vjen pasi bisedimet diplomatike që synojnë të shmangin një konflikt të armatosur në Ukrainë kanë dështuar dhe rreth 100.000 trupa ruse mbetën të vendosura në kufirin e Ukrainës.

Sipas Global News prania e operacioneve speciale kanadeze është pjesë e një përpjekjeje të aleatëve të NATO-s për të penguar agresionin rus në Ukrainë dhe për të identifikuar mënyrat për të ndihmuar qeverinë ukrainase.

Njësia është ngarkuar gjithashtu të ndihmojë në zhvillimin e planeve të evakuimit për personelin diplomatik kanadez në rast të një pushtimi në shkallë të plotë, thanë burimet.

As qeveria dhe as Forcat Kanadeze nuk e kanë konfirumuar zyrtarisht praninë e forcave speciale në Ukrainë kur janë kontaktuar nga Global News, përveçse se kanë thënë se operatorët e forcave speciale janë përfshirë në ndihmën më të gjerë të Kanadasë për Ukrainën.

"Komanda e Forcave të Operacioneve Speciale Kanadeze është pjesë e përpjekjeve më të gjera të Forcave të Armatosura për të mbështetur Forcat e Sigurisë së Ukrainës," shkroi Amber Bineau, një zëdhënëse e komandës së operacioneve speciale, në një deklaratë për Global News.

Bineau vuri në dukje se forcat speciale kanadeze kanë ofruar trajnime, si dhe "ekspertizë instruktori dhe drejtues" për homologët ukrainas që nga viti 2020 - megjithëse burimet i thanë Global News kontingjentin e fundit të forcave speciale, i cili u nis për në Ukrainë rreth janarit 9, nuk po kryen trajnime.