Franca do ta bëjë më të lehtë për qytetarët që ta marrin mbiemrin e nënës së tyre pasi të jenë të rritur, ka bërë të ditur ministri i Drejtësisë, Eric Dupond-Moretti.

Ai ka thënë se Qeveria do ta miratojë një projekt-ligj të nënshkruar nga ligjvënësi i partisë LREM në pushtet, Patrick Vignal, për t'i lejuar fëmijët të ndryshojnë me lehtësi mbiemrin e tyre kur të mbushin 18 vjeç, përmes një procesi të thjeshtë në bashkinë lokale.

Populli francez do të jetë i lirë ta mbajë mbiemrin e babait, të marrë atë të nënës, ose të dyja, sipas radhës që dëshirojnë.

Qytetarët francezë kanë krijuar tashmë një sërë opsionesh, por është një proces i gjatë dhe i vështirë që kërkon që ata t'i dëshmojnë departamentit të drejtësisë se kanë një arsye legjitime për zhvendosjen e emrit të tyre personal, në Departamentin e Drejtësisë.

"Secili duhet të zbulojë arsyet e qenësishme për ndryshimin e emrit të tyre te shtet”, ka thënë Dupond-Moretti, në llogarinë e tij në Tëitter.

Në javët në vijim për këtë çështje do të vendoset ligji.

Dupond-Moretti, në një intervistë për revistën Elle, deklaroi se legjislacioni i ri do të lejojë ndryshimin e mbiemrit të qytetarëve të rritur nga nëna beqare, ose nga dy baballarë ose nga dy nëna, siç përcaktohet në artikull.

"Do të jetë një kuadër ligjor që do t'i ndihmojë qytetarët francezë të qëndrojnë të pavarur në të drejtat e prindërve”, ka thënë tha Dupond-Moretti për Elle.

Ai shtoi se ligjet do të ishin gjithashtu një zgjidhje për njerëzit që dëshirojnë të ndryshojnë mbiemrin e tyre pas situatave traumatizuese si inçesti apo dhuna e babait ndaj nënës së fëmijëve të tij.