Gratë afgane, përfshirë ekipin e kriketit të grave në vend, do të ndalohen të luajnë sport nën qeverinë e re talebane, sipas një zyrtari të grupit islamik.

Në një intervistë me transmetuesin australian SBS, nënkryetari i komisionit kulturor të talebanëve, Ahmadullah Ëasiq, tha se sporti për gratë nuk konsiderohej as i përshtatshëm dhe as i nevojshëm, shkruan Guardian. 

"Unë nuk mendoj se gratë do të lejohen të luajnë kriket sepse nuk është e nevojshme që gratë të luajnë kriket", tha Ëasiq. "Në kriket, ato mund të përballen me një situatë ku fytyra dhe trupi i tyre nuk do të mbulohen. Islami nuk lejon që gratë të shihen kështu. Është epoka e mediave, dhe do të ketë fotografi dhe video, dhe pastaj njerëzit do ta shikojnë atë. Islami dhe Emirati Islamik [Afganistani] nuk i lejojnë gratë të luajnë kriket ose të luajnë sporte aty ku ekspozohen”.

Talebanët shpallën qeverinë e përkohshme dhe në postet kryesore u pa që nuk ka gra në pozita.