Nënkoloneli i Ushtrisë së Serbisë, Mirosllav Perishiq, ka vdekur dhe 25 ushtarë e policë janë plagosur pas një shpërthimi që ndodhi të martën rreth orës 14 në Entin e Riparimit Teknik në afërsi të Kragujevcit, tha ministri i mbrojtjes Zoran Gjorgjeviq. Tre persona janë zhdukur.
Ministri Gjorgjeviq tha se shpërthimi i parë ka ndodhur në ora 1320 në objektin A28 ku shpërtheu zjarri dhe më vonë ai përfshiu edhe objektin A27.
Shpërthimi I dytë që u dëgjua në gjithë Kragujevcin ndodhi pas orës 15 dhe nuk ka ende njoftime për pasojat.
Ministri tha se së shpejti do të krijohet Komisioni i posaçëm që do të hetojë shkaqet e fatkeqësisë dhe përgjegjësinë për të.
Në Entin e Riparimit Teknik në fund të vitit të kaluar ka nisur shkatërrimi i 784 ton të mjeteve ushtarake për çka janë ndarë 3.4 milionë euro të siguruara nga një Fond i NATO-s.
-
28 shkurt 2017 21:36
-
Shpërndaje në: