Autoritetet gjermane kanë filluar hetimet pas akuzave për mashtrim që përfshijnë shpërndarjen masive të testeve falas të koronavirusit, të cilat po kryhen tani në dyqanet e konvertuara të celularëve, estetistëve dhe galerive të artit në të gjithë vendin.

Gjermanët duhet të paraqesin një rezultat negativ si provë në mënyrë që të hyjnë në dyqane jo esenciale, të shkojnë në restorante ose bare, ose të marrin pjesë në ngjarje kulturore. Qeveria paguan për një test falas për person çdo javë, gjë që ka çuar në përhapjen e më shumë se 15,000 bizneseve që ofrojnë teste anti-trupash që japin rezultate brenda 20 minutash.

“Ka dyshim, një dyshim mjaft i bazuar pas gjithçkaje që kam parë, se ka pasur edhe mashtrim”, ka thënë ministri i Shëndetësisë Jens Spahn, shkruan AP.

“Duhet të ketë pasoja penale”, ka shtuar ai, ndërsa tha se prokurorët po hetojnë rastin.

Kjo ngrit pyetjen edhe një herë se kush po llogarit në pakon e qeverisë gjermane për të ndihmuar bizneset pas pandemisë.

Vitin e kaluar, shumë aplikues që donin mbështetje qeveritare për bizneset e prekura nga izolimi, i gjetën se kishin bërë deklarime të rrejshme, duke bërë që rregullat të shtrëngohen dhe të shtyhen pagesat ndërsa verifikimet vazhdonin për bizneset.

Spahn ka thënë se qeveria ka shpenzuar rreth 660 milionë euro për të mbuluar shpenzimet për të ofruar 45 milionë teste falas në muaj – më shumë se çdo shtet në Evropë.