Autoritetet shëndetësore në Malavi kanë djegur 19.160 doza të vaksinës antiCOVID të AstraZenecas të cilave i ka skaduar afati i përdorimit, ndërsa kanë thënë se do të sigurojë publikun se çdo vaksinë që do të marrin do të jetë e sigurt, raporton BBC.

Është shteti i parë në Afrikë që ka bërë një gjë të tillë publikisht.

Organizata Botërore e Shëndetësisë fillimisht i kishte bërë thirrje shteteve të mos shkatërronin dozat të cilave u ka skaduar fati, por tash ka ndryshuar udhëzimet.

Malavi shpreson që me këtë veprim do të rritet vetëdijësimi i publikut.

Nga popullata prej 18 milionë banorëve, në Malavi janë regjistruar 34.232 raste pozitive me koronavirus dhe 1153 të vdekur.

Malavi pranoi 102 mijë doza të AstraZenecas nga Unioni i Afrikës më 26 mars dhe ka përdorur afro 80 për qind të tyre.

Por data e skadimit në to ishte 13 prill, kështu që pjesa e mbetur është vendosur të asgjësohet.

Sekretari i Shëndetësisë së Malavit, Charles Mwansambo, ka thënë për BBC se është fatkeqësi që u desh të digjnin dozat e vaksinës, porse përdorimi i tyre do të ishte me rrezik.