Gana është bërë shteti i parë në botë që ka pranuar vaksina kundër koronavirusit, përmes iniciativës “COVAX”.
Programi i Organizatës Botërore të Shëndetësisë ka për synim të sigurojë që vaksinat po ndahen në mënyrë të barabartë tek të gjitha kombet, raporton BBC.
“COVAX” po synon të shpërndajë deri në 2 miliardë doza të vaksinës kundër COVID-19, deri në fund të këtij viti.
Rreth 600 mijë doza të vaksinës të AstraZenecas dhe të Universitetit të Oksfordit kanë arritur sot në kryeqytetin e Ganas, Accra.
Përmes një komunikate për media, OBSH-ja dhe UNICEF-i kanë njoftuar se ky është një moment i rëndësishëm për të gjithë.
“Arritja vaksinave kundër COVID-19 në Gana është shumë e rëndësishme për ta përfunduar pandeminë”, thuhet në deklaratë.
Gana, shtet në Afrikën Perëndimore ka shënuar më shumë se 80 mijë e 700 raste me koronavirus dhe 580 vdekje deri më tani, që nga fillimi i pandemisë.
-
24 shkurt 2021 11:34
-
Shpërndaje në: