Botë

Sërish lëkundje të forta tërmeti në Turqi

Një tërmet i fuqishëm ka tronditur Turqinë këtë mëngjes, duke shkaktuar makth te qytetarët.

Sipas Qendrës Evropiane për Tërmetet epiqendra ka qenë në qytetin Batman dhe lëkundjet kanë qenë me magnitutë 5 të shkallës Rihter, transmeton Standard.

Deri tani mësohet se nga lëkundjet nuk ka dëme materiale apo dëmtime të qytetarëve.

Ndërkohë bëhet me dije se tërmeti ka qenë në një thellësi 51 kilometra.

Këto lëkundje të tokës kanë rikthyer edhe njëherë frikën tek qytetarët, të cilët nuk kanë harruar ende makthin që përjetuan disa javë më parë në Izmir ku humbën jetën 116 persona, dhe qindra të tjerë mbetën të lënduar dhe humbën banesat e tyre.

Edhe një ditë më parë në Turqi u shënuar një seri tërmetesh me magnitutë mesatare duke mos shkaktuar dëme.