Australia vret rrëmbyesin që kishte kryer “akt terrori” Foto: AFP / Ilustrim

Australia vret rrëmbyesin që kishte kryer “akt terrori”

06 June 2017 08:33

Policia e Australisë ka njoftuar sot se rrëmbimin nga ana e një personi të armatosur në qytetin Melburn po e trajton si “akt të terrorizmit”, pasi grupi ekstremist, Shteti Islamik, e ka marrë përgjegjësinë.

Gjatë të shtënave, policia e vrau një person për të cilin tha se dje e mbante peng një femër brenda një ndërtese banimi në Melburn.

Policia e shpëtoi femrën e cila ishte zënë peng, pas një situate të tensionuar, që zgjati për më tepër se një orë në lagjen Brighton, raporton REL.

Gjatë të shtënave janë plagosur tre policë.

Pos personit që e kishte kryer rrëmbimin, kishte vdekur edhe një njeri tjetër nga plagët e pësuara, ka njoftuar policia.

Agjencia e lajmeve e Shtetit Islamik, Amaq, ka raportuar se sulmi ishte ndërmarrë për shkak të pjesëmarrjes së Australisë në koalicionin e udhëhequr nga Shtetet e Bashkuara, i cili lufton kundër grupit militant në Irak dhe Siri.

Komentet

Shto koment

Të ngjashme