Botë

Andorra do të testojë të gjithë banorët për COVID-19

Autoritetet e Andorrës filluan sot një fushatë të madhe për mbrojtje nga koronavirusi, e të mërkurën do të shkohet edhe një hap tutje.

Andorra që ka rreth 77.000 banorë dhe planifikon të testojë të gjithë, njofton “Askanews” të hënën.

Deri më tash, rreth 50.000 banorë janë pajtuar të testohen, gjë që u mirëprit nga ministri i Shëndetësisë, Joan Martines Benaset.

Andorra ka investuar rreth 1.6 milionë euro në teste dhe materiale për kryerjen e tyre.

Plani është të testohen rreth 7.000 njerëz në ditë, në 11 lokacione në të gjithë shtetin që shtrihet ndërmjet Francës dhe Spanjës.

Franca dhe Spanja janë ndër vendet më të prekura nga pandemia.

Andorra deri më tash ka 740 raste pozitive dhe 40 të vdekur.