Kandidati demokrat Bernie Sanders ka kërkuar nga Rusia që të qëndrojë larg zgjedhjeve presidenciale amerikane, pas raportimeve se Moska po synon ta përkrahë fushatën e tij.

Sandersi tha se zyrtarët amerikanë i kishin treguar atij muajin e kaluar për përpjekjet ruse për të ndihmuar atë në fushatë. Sipas tij, nuk ishte e qartë se si Rusia synonte të ndërhynte, transmeton KTV.

Por, senatori i Vermontit, 78 vjeç, tha që kundërshtoi me forcë çdo përpjekje për të pranuar ndihmë. Ai madje e ka kritikuar presidentin rus Vladimir Putin, duke thënë se qeveria e tij ka përdorur propagandën e internetit për të mbjellë përçarje në Shtetet e Bashkuara.