Botë

Fundoset anija me 150 emigrantë, 57 vdesin

Të paktën 57 emigrantë janë mbytur pasi një anije që transportonte rreth 150 emigrantë nga Gambia u mbyt në brigjet e Mauritanisë, tha sot Agjencia e Migracionit e OKB-së (IOM).

Autoritetet e Mauritanisë thonë se 57 emigrantë mbytur ndërsa të mbijetuarit thanë se kjo anije është nisur nga Gambia shtatë ditë më parë, raporton Reuters.

Të mbijetuarit thanë gjithashtu se në bord kishte gra dhe fëmijë, si dhe 83 persona arritën të lundrojnë në breg.

Ky incident mendohet të jetë një nga më tragjikët pasi Spanja vendosi kontrolle detare në mesin e viteve 2000.