Rajonet në lindje të Australisë paralajmërojnë se ditën e martë vendi mund të përballet me një katastrofë të vërtetë zjarresh. Temperaturat e larta dhe erërat e forta po përhapin flakët në mënyrë të rrezikshme, dhe u kanë marrë jetën 3 personave.
Autoritetet australiane në rajonet lindore kanë shpallur gjendjen e jashtëzakonshme nga zjarret.
Qytetarëve u është bërë apel të lëshojnë banesat pasi kushtet atmosferike do të rëndohen më tej ditën e martë.
“Dimë që moti nesër do të jetë në nivele edhe më katastrofike se në ditët e kaluara. Të gjithë duhet të jemi në gatishmëri dhe t'i bindemi zjarrfikësve për të mbrojtur jetët dhe pronat tona”, deklaroi shefja e ekzekutivit e New South Wales, Shane Fitzsimmons, shkruan “oranews”.
Në fundjavë, vatrat e zjarrit u morën jetën tre personave dhe shkatërruan 150 banesa.
Mbi 1,000 zjarrfikës vullnetarë po luftojnë me flakët që nga lindje-perëndimi deri në jug të vendit.
Gjysma prej tyre nuk po kontrollohen dhe betejën po e vështirësojnë moti i nxehtë dhe erërat e forta.
Zjarret kërcënojnë edhe kryeqytetin Sidnej.
“Makinën e kam gati. Nuk jam e sigurt por mund të largohem me shpejtësi nëse situata vazhdon”, shprehet një banore.
Shkencëtarët thonë se ndryshimet klimatike vetëm sa do e përkeqësojnë bilancin e fatkeqësive natyrore dhe zjarreve fushore në Australi.
Kujtojmë se muajve të fundit, rreth 11,000 kilometra katror – një zonë kjo më e madhe sesa Kosova – është djegur, sipas shërbimit të zjarrfikësve të New South Wales.
AFP-ja thotë se të hënën kushtet ishin më të mira dhe disa banorë u kthyen nëpër shtëpitë e tyre, ndonëse zjarre ka ende nëpër shume rajone.
Më së shumti pritet të goditen Malet e Kaltra në perëndim të Sidnejt, Lugina Hunter në veri e njohur për prodhimtarinë e verës si dhe rajoni Illawarra në jug të qytetit.
-
11 nëntor 2019 12:31
-
Shpërndaje në: