Këshilli ushtarak në pushtet i Sudanit dhe aleanca e opozitës civile kanë nënshkruar të shtunën një marrëveshje të përbashkët për ndarjen e pushtetit.
Marrëveshja parasheh krijimin e një këshill të ri drejtues, të përbërë nga gjashtë civilë dhe pesë gjeneralë, i cili do ta drejtojë vendin deri në zgjedhjet e reja, raporton Reuters.
Të dyja palët kanë rënë dakord që ta mbajnë me rrotacion kontrollin e këshillit për 3 vjet radhazi, ndërkohë që një kryeministër nga radhët e civilëve do të emërohet javën e ardhshme, transmeton KTV.
Komandanti i RSF-së, Mohamed Hamdan "Hemeti" Dagolo, i konsideruar si njeriu më i fuqishëm i Sudanit, është zotuar se do të respektojë kushtet e marrëveshjes.
“Ne do të qëndrojmë prapa çdo letre që kemi nënshkruar”, ka thënë ai, pas ceremonisë së nënshkrimit.
Hemeti ka shtuar se do të punojnë, sepse marrëveshja është në interesin e vendit.
-
17 gusht 2019 19:37
-
Shpërndaje në: