Më shumë se 1 mijë persona kanë protestuar në Moskë kundër vendimit të mundshëm që ia pamundëson opozitës pjesëmarrjen në zgjedhjet për parlamentin e kryeqytetit rus.
Komisioni zgjedhor i Moskës deklaroi se shumica e kandidatëve të sponsorizuar dështuan të sigurojnë nënshkrimet e nevojshme për të marrë pjesë në zgjedhje.
Ilya Yashin, kritik i presidentit Vladimir Putin, bëri thirrje për një takim me votuesit, por shumë shpejt u shndërrua në një protestë para objektit të parlamentit të Moskës, transmeton KTV. Ai tha se kërkesa e komisionit për mbledhje nënshkrimesh është veç mashtrim me qëllim që të pamundësohet pjesëmarrja e opozitës.
Ka një histori të aktivistëve opozitarë që u pamundësohet pjesëmarrja në zgjedhje. Një bllokim të tillë e pati përjetuar edhe kundërshtari më i madh i Putinit, Alexei Navalny.
Në vitin 2018, atij iu mohua e drejta për të garuar në zgjedhjet presidenciale të vitit 2018.
-
15 korrik 2019 20:41
-
Shpërndaje në: