Botë

Për shpërndarje të videos së terrorit në Christchurch, një person dënohet me dy vite burg

Një burrë në Zelandën e Re është dënuar me gati dy vite burg sepse shpërndau videon e sulmit terrorist në xhaminë e Christchurch, ku mbetën të vrarë 51 njerëz.

Avokati i Philip Neville Arps, 44 vjeç, ka konfirmuar për CNN se klienti i tij është dënuar me burg për akuzën e shpërndarjes së materialit të papranueshëm. Ai kishte dërguar te të paktën 30 persona videon e sulmit terrorist, menjëherë sapo ngjarja kishte ndodhur edhe ishte transmentuar në ‘Facebook’-un e Brenton Tarrant, i arrestuari për vrasjet.

Dërgimi i videove që konsiderohen të papranueshme te personat e tjerë, në Zelandën e Re dënohet deri me 14 vite burg.