Sekretari i Brendshëm britanik nënshkruan urdhrin për ekstradimin e Assanges në SHBA

Sekretari i Brendshëm britanik nënshkruan urdhrin për ekstradimin e Assanges në SHBA

13 June 2019 12:51

Sekretari i Brendshëm i Britanisë së Madhe, Sajid Javid, ka bërë të ditur të enjten se e ka nënshkruar kërkesën për ekstradimin e themeluesit të “WikiLeaks”, Julian Assange, në Shtetet e Bashkuara të Amerikës për përballje me akuzat e zbulimit të sekreteve shtetërore.

“Ai është me të drejt prapa grilave. E kemi një kërkesë ekstradimi nga SHBA-ja që do të shqyrtohet nga gjykatat nesër, ama dje unë e nënshkrova dhe e cerifikova urdhrin e ekstradimit. Tani fjalën e fundit do ta thonë gjykatat”, ka thënë Javid, duke folur për “Radio 4” të BBC-së, raporton e përditshmja britanike “Guardian”, transmeton “Koha Ditore”.

Vendimi i Javid ua hapë rrugën gjykatave që ta dërgojnë Assangen në SHBA, në mënyrë që të përgjigjet rreth aktakuzës prej 18 pikash të përpiluar nga Departamenti amerikan i Drejtësisë. Aktakuza amerikane, përpos tjerash, e ngarkon themeluesin e “WikiLeaks”it me akuza që i përkasin Aktit të Spiunazhit. Ai akuzohet për nxjerrjen dhe publikimin e informatave të klasifikuara, si dhe për konspiracionin e hakimit të një kompjuteri qeveritar që përmbante me sekrete.

Australiani 47-vjeçar ka qenë tepër i sëmurë për të dalë muajin e shkuar para prokurorëve e gjykatësve në gjykatën e Westminsterit, ku do të shqyrtohej kërkesa amerikane. Assange është zotuar ta luftojë me çdo kusht ekstradimin në SHBA.

© KOHA. Të gjitha të drejtat janë të rezervuara.

Komentet

Shto koment

Të ngjashme