Botë

Nga 1 qershor në Zvicër mund të punojnë të gjithë qytetarët e BE-së

Qytetarët e Rumanisë dhe Bullgarisë do të kenë lirinë e plotë të lëvizjes, punësimit dhe hapjes së vendeve të punës në Zvicër duke filluar nga data 1 qershor.

Sipas deklaratës së Ministrisë së Jashtme bullgare, bullgarët dhe rumunët do të kenë të njëjtat të drejta si qytetarët e tjerë të BE, përveç shtetasve kroatë dhe do të jenë në gjendje të qëndrojnë lirshëm në Zvicër, nëse ata kanë një punë, raporton agjencia bullgare e lajmeve BTA.

Kjo u bë e mundur pasi Këshilli Federal Zviceran më 15 maj miratoi një vendim për heqjen e kuotave për qëndrimin e shtetasve të Bullgarisë dhe Rumanisë në territorin e atij vendi.