Ky është automjeti brenda së cilit udhëtonte një çift bashkëshortësh, që arritën t’i mbijetonin për mrekulli një aksidenti të rëndë trafiku.

Scott dhe Kerrie McKim nga Anglia, jo vetëm që mbijetuan, por ata morën dëmtime pa rrezik për jetën, ndërkohë që vetura e tyre u shkatërrua tërësisht. Ata përfunduan mes një kamioni dhe barrierës anësore të rrugës, e më pas u goditën nga një tjetër kamion.

46-vjeçari Scott, i cili prej 8 vitesh punon si oficer trafiku, duke folur për të përditshmen Mirror tha: “Kam parë fatalitete ku vetura kishte pësuar shumë herë më pak dëmtime”.

Çifti u nxor nga automjeti rreth 40 minuta më vonë. Scott mori fraktura në syrin e tij të majtë, ndërsa Kerrie, me profesion mami, theu shpatullën.

Ata udhëtonin në autostradën M1 pranë Milton Keynes, Brucks, më 7 Mars, kur shoferi i kamionit Zbigniew Kaczorowski ndërroi papritur korsi. Teksa 42-vjeçarja Kerrie ulërinte nga tmerri, çifti u godit nga një tjetër kamion ndërkohë që ndodheshin mes kamionit të parë dhe barrierës anësore.

55-vjeçarit Kaczorowski i është ndaluar vozitja për një vit./tvklan.al