Autoritetet britanike do t’i përdorin gjurmuesit GPS për të përgjuar të dënuarit

Autoritetet britanike do t’i përdorin gjurmuesit GPS për të përgjuar të dënuarit

17 February 2019 21:35

Mijëra kriminelë në Angli dhe Uells do të përgjohen me gjurmuesit GPS, për t'i lejuar autoritetet t’i kenë ata nën kontroll për 24 orë në ditë.

Aktualisht, kriminelët përcillen me sisteme të instaluara në shtëpitë e tyre, por është dëshmuar se praktikat e tilla nuk janë efektive në kohët e caktuara.

E, me sistemin e ri GPS, autoritetet britanike do t’i përcjellin lëvizjet e një personi kudo që të shkojë.

Sekretari i Drejtësisë tha se ky plan do t’i mbrojë më mirë viktimat e abuzimit familjar.

Metodat aktuale, të përdorura gjerësisht për të zbatuar një mbikëqyrje ose arrest shtëpiak, lëshojnë paralajmërim nëse personi nuk është i pranishëm në një adresë të caktuar.

Rreth 60.000 të dënuar aktualisht janë nën vëzhgim në Angli dhe Uells.

© KOHA

Komentet

Shto koment

Të ngjashme