Turqia urdhëron arrestimin e më shumë se një mijë “gylenistëve” Foto: Reuters

Turqia urdhëron arrestimin e më shumë se një mijë “gylenistëve”

12 shkurt 2019 09:10

Turqia ka urdhëruar arrestimin e 1 mijë e 112 personave të dyshuar se kishin lidhje me klerikun mysliman Fethullah Gulen, i cili akuzohet se ka organizuar puçin e vitit 2016, raporton CNN-i turk.

Operacioni i arrestimit të këtyre të dyshuarve është zhvilluar në Ankara, ndërsa është zgjeruar në 76 provinca të tjera.

Operacioni ishte më i madhi i organizuar ndonjëherë ndaj përkrahësve të Gulenit që prej puçit në të cilin u vranë 250 persona, transmeton KTV.

Më shumë se 77 mijë persona janë burgosur dhe po presin gjykimin, derisa arrestimet janë rutinë në Turqi. Autoritetet kanë suspenduar apo shkarkuar më shumë se 150 mijë punonjës në stafin civil dhe ushtarak.

© KOHA. Të gjitha të drejtat janë të rezervuara.

Komentet

Shto koment

Të ngjashme