Vuçiqi bisedoi me Erdoganin, e fton ta vizitojë Serbinë

Vuçiqi bisedoi me Erdoganin, e fton ta vizitojë Serbinë

09 shkurt 2019 12:19

Presidenti i Serbisë Aleksandar Vuçiq dhe ai i Turqisë Recep Tayp Erdogan, në bisedën e gjatë të zhvilluar mbrëmë kanë folur për marrëdhëniet ndërmjet dy vendeve dhe i kanë cilësuar ato shumë të mira si në plani politik ashtu dhe në atë ekonomik, transmeton Koha.net.

Siç njofton gazeta e Beogradit “novosti”, Vuçiqi e ka ftuar Erdoganin që ta vizitojë Serbinë sa më shpejt që të jetë e mundur ndërsa e ka falënderuar për investimet që Turqia po i bën në vendin e tij.

Të dy bashkëbiseduesit kanë shfaqur kënaqësinë që këmbimi tregtar ndërmjet dy vendeve vjet ka qenë mbi 1 miliard euro.

“Turqia do të bëjë çdo gjë jo vetëm t’i mbajë këto marrëdhënie në këtë nivel, por edhe t’i avancojë marrëdhëniet shumë miqësore me Serbinë”, citohet të ketë thënë Erdogan gjatë kësaj bisede.

© KOHA

Komentet

dukagjin11/02/2019 09:38

Aleanca tradicionale. Vetem shqiptarët e verber i besojne Erdoganit, armikut te shqiptarëve

Shto koment

Të ngjashme