​SHBA-ja përshëndet vendimin e Maqedonisë për të ndryshuar emrin Foto: Reuters

​SHBA-ja përshëndet vendimin e Maqedonisë për të ndryshuar emrin

12 January 2019 21:20

Sekretari shtetëror i SHBA-së, Mike Pompeo përmes një komunikate ka përshëndetur votimin e ndryshimeve kushtetuese në Maqedoni të nevojshme për miratimin e Marrëveshjes së Prespës.

“Shtetet e Bashkuara përshëndesin vendimin e Parlamentit të Maqedonisë për të miratuar ndryshimet kushtetuese të nevojshme për ratifikimin e Marrëveshjes së Prespës me Greqinë. Udhëheqësit e Maqedonisë demonstruan vizion, kurajë dhe këmbëngulje në rrugëtimin e tyre për zgjidhjen e mosmarrëveshjes për emrin, e cila do të lejojë që Maqedonia të marrë vendin e duhur në NATO dhe BE, si Republika e Maqedonisë së Veriut. Shtetet e Bashkuara e shohin këtë si një mundësi historike për të avancuar stabilitetin, sigurinë dhe prosperitetin në të gjithë rajonin”, thuhet në komunikatën e Pompeos, transmeton Alsat-M.

Ndërkohë, edhe Britania e Madhe ka përshëndetur votimin e ndryshimeve kushtetuese në Maqedoni.

Komentet

Shto koment

Të ngjashme