Shtetet e Bashkuara të Amerikës, ia kanë ndaluar hyrjen brenda shtetit ish Presidentit të Gambisë, Yahya Jammeh.

Siç ka njoftuar Departamenti Amerikan i Shtetit, ndalesa vlen për Jammeh dhe anëtarët e familjes së tij të ngushtë, shkruan Al Jazeera.

Vendimi është marrë të hënë dhe vjen gati dy vjet pasi Jammeh ishte detyruar që të kërkonte azil në Guinean Ekuatoriale pasi që kishte refuzuar ta pranojë humbjen në zgjedhjet presidenciale.

Ai kishte drejtuar Gambinë për dy dekada, ndërsa në dhjetorin e vitit 2016 ishte mposhtur në zgjedhje nga Adama Barrow.