Turqia: Kemi prova se gazetari u vra në konsullatën saudite

Turqia: Kemi prova se gazetari u vra në konsullatën saudite

12 tetor 2018 08:49

Turqia pretendon se ka prova audio dhe video që vërtetojnë se gazetari Jamal Khashoggi është vrarë brenda konsullatës së Arabisë Saudite në Stamboll.

Zyrtarë amerikanë dhe turq, emri i të cilëve nuk bëhet i ditur, kanë thënë për “Washington Post” se ka prova që tregojnë se Khashoggi hyri në konsullatë për të marrë disa dokumente që i duheshin për martesë, por nuk doli kurrë prej andej, siç pretendojnë sauditët.

“Regjistrimi audio nga brenda konsullatës tregon se çfarë i ndodhi Khashoggit pasi ai hyri brenda. Dëgjohet zëri i tij dhe i disa burrave të tjerë, që flasin arabisht. Dëgjohet se si ai u mor në pyetje, u torturua dhe u vra”, thotë zyrtari.

Arabia Saudite i hedh poshtë akuzat për përfshirjen në zhdukjen e Khashoggit, duke thënë se ai doli nga konsullata disa orë pasi hyri aty.

Komentet

Shto koment

Të ngjashme