Uashington, 14 prill – SHBA-ja po analizon mundësitë ushtarake për t’iu përgjigjur vazhdimit të programit të armatimit koreanoverior, theksoi sot një përgjegjës i lartë amerikan, duke shtuar se Pheniani po procedonte me një test të ri, ose balistike ose bërthamore, por nuk dihet se kur do ta kryejë.

“Mundësitë ushtarake janë duke u analizuar”, deklaroi një këshilltar për politikën e jashtme të Shtëpisë së Bardhë.

Duke vlerësuar se një test i ri me predhë balistike apo bërthamore është i mundur, ky përgjegjës theksoi se “me këtë regjim nuk është çështja të dihet nëse do të bëhet, por kur do të bëhet”.