Një aeroplani ushtarak rus zhduket nga radarët mbi Siri

Një aeroplani ushtarak rus zhduket nga radarët mbi Siri

18 shtator 2018 08:28

Një aeroplan ushtarak rus është zhdukur nga radari teksa ishte duke fluturuar mbi Siri. Ministria ruse e mbrojtjes e ka bërë të ditur lajmin, teksa ka konfirmuar se në aeroplan ishin gjithsej 14 persona.

“Lidhja është humbur me ekuipazhin e aeroplanit II-20 mbi Detin Mediterian”, bëri të ditur ministria.

Aeroplani ishte duke u kthyer baza ajrore ruse, Hmeimin. Raportohet se gjurmët e aeroplanit u humbën gjatë një sulmi nga katër avionë izraelit. Mirëpo, ushtria izraelite ka refuzuar që të komentojë nëse ka sulmuar në qytetin Latakia, mbi ku aeroplani po fluturonte herën e fundit para se të zhdukej nga radari.

Rusia filloi sulmet ajrore në Siri në vitin 2015, pas një kërkese nga Presidenti Bashar al-Assad, i cili qëndroi në pushtet pavarësisht shtatë viteve të luftës civile, raporton BBC, përcjell KosovaPress. Konflikti deri më tani ka lënë më shumë se 350 mijë të vdekur.

Fati i aeroplanit dhe ekuipazhit deri më tani nuk dihet, kurse ka filluar operacioni i kërkimit.

Komentet

Shto koment

Të ngjashme