Jaguar Vector – anija elektrike që theu rekordin e shpejtësisë

Jaguar Vector – anija elektrike që theu rekordin e shpejtësisë

16 qershor 2018 17:53

“Energjia elektrike dhe uji, macja edhe uji”, nuk janë një gjë e ngjashme. Megjithatë, ka mendime se macet e donë ujin dhe se energjia elektrike mund të përdoret në ujë.

Kompania e njohur britanike, Jaguar, me ndihmën e miqve, bashkoi energjinë elektrike me ujin dhe shënoi rekordin e ri të shpejtësisë në ujë për anijet elektrike.

Jaguar Vector Racing V20E është emri i anijes e cila tani mban rekordin e shpejtësisë për anijet elektrike, transmeton Koha.net. Realisht, Jaguar këtu ka dhënë paratë dhe stemën e saj, ndërsa pjesën tjetër e ka përfunduar kompania specialiste për anijet elektrike Vector dhe Williams Advanced Engineering.

Liqeni Coniston në Angli, 13.5 kilometra i gjatë, është i njohur si mbledhës i të dhënave të thyerjes së rekordeve të shpejtësisë në ujë por edhe për vdekjen e Donald Campbell, i cili me anijen e tij të vogël Blubird e me shpejtësi mbi 500 kilometra në orë u përpoq të thyej rekordin.

Tani, Jaguar Vector Racing V20E ka vendosur rekordin e saj në këtë liqen. Me dy kalime në pistën prej 1 km, kjo anije arriti shpejtësinë mesatare prej 142.60 km/h dhe tejkaloi rekordin e 125.18 km/h.

Specifikat teknike të motorit të kësaj anije nuk janë zbuluar, përveç se janë përdorur disa elemente të Jaguar Williams FormuleE. Vozitësi ishte Peter Dredge, themeluesi i Jaguar Victor, i cili menjëherë pas shënimit të rekordit ka thënë se në 18 muajt e ardhshëm do të ketë më shumë përpjekje për të thyer rekordin.

© KOHA

Komentet

Shto koment

Të ngjashme