Alfa Romeo raportohet se do të lansojë një model të ri SUV për të rivalizuar Audi Q7, BMW X5, Mercedes GLE dhe Volvo XC90.

Sipas “Auto-Express” ky do të jetë modeli më i madh i prodhuar nga kompania italiane.

Roberto Fedeli nga kompania ka thënë se një model i madh do të vijë së shpejti duke shtuar se do të ketë edhe versione elektrike por jo hibride.

Modeli i veçantë pritet të ketë motor të madh me 400 kuajfuqi.

Ky model nuk pritet të shihet në rrugë deri para vitit 2020.