Auto

Fordi ndalon prodhimin e veturave elektrike F-150

Ford Motor do të ndalojë prodhimin e veturave të saj elektrike F-150 Lightning pas një problemi të baterisë që shkaktoi djegien e një kamioni elektrik në fillim të këtij muaji, tha prodhuesi amerikan i automjeteve të premten.

Aksionet e kompanisë ranë me rreth 2 për qind, ndërsa ato të rivalit General Motors Co gjithashtu ranë me 1.5 për qind.

Zhvillimi vjen disa ditë pasi Administrata Kombëtare e Sigurisë së Trafikut në Autostrada (NHTSA) tha se po zhvillon bisedime me Fordin për këtë çështje.

SK On, një prodhues dhe furnizues i baterive EV koreano-jugore për Ford, ka filluar sërish ndërtimin e qelizave të baterive në një fabrikë në Gjeorgji.

"Do t'i duhet kohë SK për t'u siguruar që ata të kthehen në ndërtimin e qelizave me cilësi të lartë dhe t'i dorëzojnë ato në linjën e prodhimit të Lightning”, tha Ford në një deklaratë.

Incidenti i zjarrit që përfshin veturën EV të Fordit ndodhi më 4 shkurt, gjatë një inspektimi të cilësisë para dorëzimit në fabrikën e tij në Dearborn, Michigan, duke bërë që kompania të ndalojë prodhimin të nesërmen.