Auto

Alfa Romeo zbulon Giulia, rivalin e Serisë 3 të BMW-së e C-Classit të Mercedesit

Alfa Romeo Giulia është versioni italian i Serisë 3 të BMW, Mercedes Benz C Class, Audi A4 ose Jaguarit XE.

Njëjtë si rivalët e saj, kjo veturë prodhohet në disa variante dhe në total, janë dy versione me benzinë, dy me naftë dhe modeli me performancë tejet të fuqishme, ai Twin Turbo V6 Quadrifoglio me 503 kuaj fuqi. Variantet quhen Super, Speciale, Veloce dhe i tërbuari Quadrifoglio, shkruan Top Gear.

Të gjitha këto vetura kanë specifika shumë të mira, sistem të frenave i cili përdorë kontrollin e stabilitetit, pastaj sensorët për paralajmërime, për detektimin e këmbësorëve dhe frenimin autonom, transmeton KOHA.

Sa i përket dinamikës, Alfa Romeo Giulia e jep ndjesinë e një veture vërtetë të rehatshme. Pozita e ulëseve është fantastike, timoni shumë i lehtë dhe i shpejtë për tu manovruar, dhe ka një baraspeshë tepër të mirë. Dhe pos tjerave, është një veturë me të vërtetë e bukur sipas Top Gear.