Auto

Irlanda do të ndalojë shitjen e automjeteve me benzinë dhe naftë deri në 2030

Foto: Forbes

Qeveria irlandeze njoftoi projektin e saj për të ndaluar shitjen e automjeteve me benzinë dhe naftë deri në vitin 2030, në kuadër të masave të hartuara për mbrojtjen e mjedisit.

Dublini parashikon që deri atëherë, 950.000 automjete elektrike do të lëvizin në rrugët irlandeze. Qeveria synon të zhvillojë një rrjet pikash për furnizimin me energji elektrike, që do të mundësojnë furnizimin e automjeteve të reja në të gjithë vendin.

“Ky njoftim u prezantua të hënën në mbrëmje nga kryeministri irlandez, Leo Varadkar. Kjo nismë vjen në kuadër të planit të veprimit për klimën që përfshin 180 masa për bizneset, ndërtimtarin, transportet, bujqësinë apo më tej menaxhimin e mbetjeve. Plani synon të arrijë objektivat e Dublinit në aspektin e emetimeve të gazrave me efekt serrë për vitin 2030 dhe për ta vendosur Irlandën në rrugën e duhur për të arritur emetimet zero të dyoksidit të karbonit deri në vitin 2050”, thuhet në një komunikatë për shtyp të qeverisë./atsh