Gjiganti gjerman automobilistik Volkswagen për mashtrimet e informacioneve të emetimit të gazrave të dëmshme në Kanada do të paguajë një gjobë prej 2.1 miliardë dollarë, kurse paratë do t'u paguhen 105 mijë personave.

Gjykatësi i Gjykatës Supreme në Ontario Edward Belobaba mori vendimin që për gjithsej 105 mijë persona që kanë përdorur makina disel të Volkswagen t'u paguhet nga 5.100 deri në 8.000 dollarë, raporton Anadolu Agency (AA).

Pas procedurave gjyqësore që janë iniciuar në gjykatat në Quebec dhe Onatario, Volkswagen ka pranuar gjobën prej 2.1 miliardë dollarë dhe me pagesën e parave do të fillojë menjëherë.

Volkswagen në vitin 2015 kishte falsifikuar të dhënat për emetimin e gazrave të dëmshme në makina që janë shitur në Kanada dhe kështu për 40 herë më shumë ka ndotur ambientin.

Prodhuesi i automobilëve, pas kësaj, pranoi se në mbarë botën në 11 milionë makina disel është vendosur pajisje e njëjtë dhe se për dëmet e shkaktuara është ndarë një buxhet prej 6.5 miliardë euro.