Auto

7 super vetura të shtrenjta që janë braktisur nga pronarët

Edhe veturat më luksoze mund të lihen pas.

Super veturat e shtrenjta janë aq të çmuara sa që çdo kush do të mendonte se pronarët e tyre asnjëherë nuk do t'i linin pas, por kjo si duket nuk vlen për disa prej pronarëve të tyre, transmeton koha.net.

Këto janë 7 super veturat e shtrenjta e luksoze që janë braktisur nga pronarët:

 

Image

Bugatti Veyron:

Bugatti Veyron është quajtur super veturë sportive, e sigurisht për një arsyeje të mirë. Ajo është një ndër veturat më të shpejta në botë, e kushton mbi 1.5 milionë euro, e kjo në foto është braktisur nga një pronar rus.

Image

Lamborghini Miura

Lamborghini Miura ishte vetura e parë super sportive me dy ulëse e me motor të mesëm. Kjo veturë është braktisur në një parking nëntokësor në Athinë për 30 vite, pastaj ka dal në shitje në një ankand, e është shitur për 483 mijë dollarë.

Image

Ferrari F40, vetura e djalit të Saddamit

Kjo super veturë i përkiste djalit të madh të Saddam Husseinit, Uday. Ajo ishte braktisur gjatë luftës në Irak pasi Uday ishte vrarë.

Image

LeMans Blue Jaguar XJ220

Kjo veturë e edicionit të limituar ishte prodhuar në vetëm 281 njësi. Ajo është braktisur në shkretëtirën e Katarit, e kushton rreth 500 mijë dollarë.

Image

Rolls Royce Phantom Centurion: e ndërtuar sipas kërkesave personale të blerësit

Ky Rolls Royce Phantom ishte bërë për një konsumator në Las Vegas. Më vonë ishte shitur te një konsumator në Rusi, e më vonë është gjetur i braktisur në një autostradë në Rusi, çmimi i tij shkon rreth 350 mijë dollarë.

Image

Maybach 57

Maybach 57 kushton 380 mijë dollarë, ndërsa ishte braktisur në një parking të Kanës në Francë.

Image

Ferrari Enzo

Ky Ferrari Enzo, i cili kushton mbi 1.5 milionë euro, është braktisur nga një pronar britanik, i cli refuzonte të paguante gjobat e trafikut. Më vonë autoritetet zbuluan se kjo veturë kërkohej nga Interpoli si e vjedhur.