Auto

Ford Mondeo mbetet në Evropë

Sipas një raporti nga Sunday Times, Fordi thuhet se planifikon të zvogëlojë numrin e përgjithshëm të punonjësve (202,000) me 12%, kryesisht duke larguar një numër të konsiderueshëm të tyre në Evropë.

Fordi synon të ristrukturojë operacionet e saj në kontinentin e vjetër, ku midis prillit dhe qershorit regjistroi humbje prej rreth 73 milionë dollarë, transmeton KP.

Raporti gjithashtu thekson se kompania ka në plan të heqë modelet Mondeo, Galaxy dhe S-MAX dhe t'i zëvendësojë ato me crossover më fitimprurëse.

Fordi, megjithatë, hodhi poshtë pretendimet në këtë raport, duke thënë se nuk ka ndryshime të planeve për Evropë dhe se Mondeo mbetet njëri ndër modelet kyçe në ofertën e kompanisë në tregun evropian.

Në Ford thonë po ashtu se shifrat e punëtorëve që do të largohen nga puna është spekulim i mediave dhe nuk dëshirojnë t’i komentojnë.

Ndryshe, Mondeo evropian dhe dy mini-furgonët prodhohen në një fabrikë në Valencia, Spanjë