BMW ka përgatitur një forcë punëtore speciale për t’u përgatitur për skenarin më të keq që mund të ndodhte pas Brexitit, njëri prej të cilëve është nëse Britania e Madhe largohet nga bashkimi doganor dhe si një treg i vetëm, e pa asnjë marrëveshje tregtare me BE-në.
Forca speciale e BMW-së për Brexit është duke përgatitur këtë kompani për radhët e gjata kufitare e vonesat e furnizimeve të nevojshme si dhe po konsideron masa mbrojtëse kundër humbjes së vendeve të punës, transmeton koha.net.
Kjo kompani ndërton rreth 200 mijë MINI në vit në fabrikën e saj në Cowley të Oxfordit, e 20 Rolls-Royce në ditë në Goodwood të West Sussex.
Shefi i shitjeve të BMW, Markus Duesmann ka thënë se strategjia e kompanisë për Brexit ka në prioritet: “Furnizimet në fabrika” si dhe “ruajtjen e vendeve të punës”, duke shtuar “Brexit po na ngarkon ne me një kosto shumë të madhe”.
Duke treguar sistemin e tanishëm të kompanisë për furnizime, Duesmann ka thënë për magazinën gjermane automobilistike ‘Automobilwoche” se: Një numër i madh i komponenteve kaloj Kanalin Anglez rreth katër herë para se vetura të ndërtohet kompletë e të arrij te konsumatorët. E pas Brexit për çdo kalim të kufirit do të ketë detyrime doganore.
Kompania do të ketë nevojë për “shumë më tepër mallra në rrugë” për të luftuar vonesat e për të mbajtur fabrikat e saja në punë në Mbretërinë e Bashkuar.
-
22 qershor 2018 13:42
-
Shpërndaje në: