Kosova propozohet të jetë anëtare e përhershme e COSAC Foto: Koha / ilustrim

Kosova propozohet të jetë anëtare e përhershme e COSAC

18 qershor 2018 14:27

Komisioni Parlamentar për Çështje të Unionit të Parlamenteve të Bashkimit Evropian COSAC i cili po mbahet në Sofja të Bullgarisë, ka propozuar që Kosova të jetë anëtarë e përhershme e saj, në cilësinë e vëzhguesit deri në marrje të statusit të kandidatit.

Ky propozim u bë me kërkesë të delegacionit të Kosovës të udhëhequr nga deputetët Blerta Deliu Kodra-kryetare e Komisionit për Integrime dhe Armend Zemaj, zëvendëskryetar, si dhe me mbështetje të nikoqirit Kristian Vigenini, kryetar i Komisionit për Çështje Evropiane.

Propozimi u përkrahë nga të gjitha shtetet e pranishme në këtë konferencë dhe si i tillë e ofron Kosovën me afër anëtarësimit në organizata dhe mekanizma të shumtë të BE-së.

Në hapje të punimeve të konferencës kryeministri i Bullgarisë, Boyko Borissov theksoi perspektivën e qartë të Kosovës në rrugën e saj drejt BE-së, duke potencuar rolin që ka pasur Bullgaria për të mbështetur normalizimin marrëdhënieve të shteteve të Evropës Perëndimore.

Konferenca do t’i vazhdojë punimet edhe të martën.

© KOHA. Të gjitha të drejtat janë të rezervuara.

Komentet

Shto koment

Të ngjashme