Në cilën shkollë të Prishtinës nxënësit mbeten pa notë në histori

13 qershor 2018 19:21

Të gjitha notat e nxënësve të klasës së IX -1 të shkollës fillore “Emin Duraku” të kryeqytetit janë mbyllur, por jo edhe ato të lëndës së historisë, raporton KTV.

Mësimdhënësja e kësaj lënde, Afërdita Misimi, ka vendosur që tre nxënës të mos i notojë fare, shkaku i mospjesëmarrjes së tyre në orën e saj për gjashtë muaj radhazi.

Ky veprim i ka lënë këta tre nxënës pa dëftesë, e cila tash u duhet për regjistrim në shkollën e mesme. Fakti që tash hapen konkurset për regjistrim dhe këta nxënës nuk i kanë dëftesat e tyre i ka irrituar prindërit.Prindërit kanë shkuar në këtë shkollë dhe e kanë kërcënuar mësimdhënësen e historisë, duke i kërkuar mbylljen e notës.

Arsimtarja,Afërdita Misimi tha se nuk do të notojë nxënësit pasi që kanë munguar në orë.

Drejtori i shkollës, Agron Mexhuani tha se kjo çështje do të zgjidhet shpejt.

© KOHA. Të gjitha të drejtat janë të rezervuara.

Komentet

Anonymous 14/06/2018 10:11

Nuk po shoh ketu kurrfar problemi. Si nje punonjese ne Arsim te larte, njejte kisha vepruar. Me rregullore eshte qe nese nje nxenes/student mungon pa arsye me shume se 25-30% te oreve, e ndjek vitin tjeter lenden prap.

Shto koment

Të ngjashme