Arbëri

Temperaturat e larta rikthejnë kosovarët në Shëngjin

Rritja e temperaturave ka sjellë popullimin e plazhit të Shëngjinit me pushues që në pranverë.

Na ndajnë kohë nga nisja e sezonit turistikë, por vizitorët e parë që nuk janë vetëm banorë të Lezhës e Shëngjinit, por edhe shqiptarë të Kosovës po shijojnë rrezet e diellit dhe plazhin.

Duket se në këtë sezon turistikë; të paktën në përshtypjet e para, pushuesit shprehen të kënaqur për kushtet kryesisht përsa i takon pastërtisë dhe ofrimit të shërbimeve përgjatë bregdetit.

Bashkia e Lezhës ka nisur t’iu japë prioritet zonave turistike, duke mundësuar shërbime shumë më herët se hapja zyrtare e sezonit e kjo ka bërë që numri i vizitorëve të jetë gjithnjë në rritje.