Zoran Vukotiqi lirohet nga akuza për vrasjen e 4 civilëve shqiptarë më 1999 Foto: Koha

Zoran Vukotiqi lirohet nga akuza për vrasjen e 4 civilëve shqiptarë më 1999

16 maj 2018 15:27

Zoran Vukotiq, i akuzuar për vrasjen e 4 civilëve shqiptarë më 5 maj të vitit 1999, është liruar nga akuza në mungesë të provave.

Kjo edhe pse Darius Sieliczki, kryetar i trupit gjykues, ka thënë se Vukotiqi “qëllimisht i rrahu dhe më pas i vrau Enver Rrustollin, Hamdi Fazliun, Avdulla Fazliun dhe Fahredin Fazliun në shtëpinë e familjes Fazliu, pasi edhe kishte rrahur e plaçkitur civilë të tjerë shqiptar”, raporton KTV.

Palët e dëmtuara udhëzohen për padi civile për kompensim dëmi.

Sieliczki, pas vendimit të trupit gjykues, tha se “nuk kishte dyshim për faktet, gjërat që kanë ndodhur në maj të vitit 1999, por ka pasur dyshime të mëdha lidhur me pjesëmarrjen e Zoran Vukotiqit në këto veprime si person përgjegjës për të gjitha ato të këqija që u kishin ndodhur familjeve”.

Përveç këtij rasti ku u lirua, ndaj Vukotiqit mbesin edhe dy aktakuza për krime lufte, raste që janë duke u gjykuar në Gjykatën Themelore të Mitrovicës.

© KOHA. Të gjitha të drejtat janë të rezervuara.

Komentet

Vakti21/05/2018 09:58

Serbët, të pafajshëm, si gjithmon-ë, në "mungesë të FAKTEVE!"... Kur ashtë kanë arrestu, kam pas shkru, hiq mos keni gajle se së shpejti ka me u liru. Tashi kom zanë gogjo me u "livdu" se qysh po muj me ja qëllu.

Shto koment

Të ngjashme